婚禮小物件篇 （持續更新

對戒篇

其實求完婚第一樣準備既就係對戒，因為港女一早鍾情於紅盒子，所以鎖定左Cartier，去過日本同新加坡睇，價錢無差太遠，所以最後都喺香港Lee Garden買，有商場優惠。

以女裝戒指VENDOME LOUIS 3.5 MM 有鑽石為例，今年（$36800）同上年個價都爭左$2500，雖然買嚟都唔係為保值，但早買平幾舊，why not?

如果買對戒會有特別既對戒盒/ 兩個單戒指既盒，佢話可以隨時換返2個單盒，因為雙戒指盒好搶手😆

另一伴唔係成日戴戒指，有次拎嚟戴兩隻都幾型，Cartier可以免費改「細」size 一次，可能試試佢😎

免費刻字，但未諗到刻咩字，同d字體唔太吸引

婚鞋篇

相信好多女仔既dream bridal shoes 都係 Jimmy Choo 斗零踭，聽朋友講東薈城同澳門買好平又多款。但試完發現d 踭太高（會高過另一半），本身啱啱拗完柴加唔慣著高踭，所以就轉戰舒適又靚

Christian Louboutin，主要係紅底鞋夠classic，加上佢係圓頭粗跟，就算跑跳足全日都唔攰，但佢碼數同波鞋相差得遠，建議到店試。最後first dance，抱起轉圈時紅底勁搶鏡，港女無悔了，加上之後會著返，CP值高

On the list 會員會組常收到邀請有 Christian Louboutin Friends & Family Sale，同朋友去過一次，價錢大約4折，好多唔同款任試，多斷碼同無盒，但佢細腳揀到一對lace 款好靚！

我想要一對bling bling鞋襯主紗，買左本地牌子 British Berry，本身著開佢地d皮鞋都幾好著，service又超好，佢地幫我重新做過砌返整齊d石，不過人手野唔好放大睇🫣 最緊要影相都幾靚！

老實講，鞋著得舒服最重要，如果真係想著波鞋，要確保條裙夠長！