如果諗緊擺唔擺酒可以參考下，因為搞婚禮係一個絕對嘥錢、嘥時間、嘥心力同埋會令你同另一半嗌交嘅人生大事。好多傳統細節如過大禮、上頭、敬茶都係為左長輩開心既show，點解要做？
所以有人話求婚後會加速分手危機，因為好多位都達唔到共識，畢竟每個人處理「問題」既方法都唔一樣。
基於唔想後悔，我地都搞左個海外婚禮，而哩一個美好回憶係會值得我地記一世（最重要的回憶股息）畢竟約咁多朋友一齊去旅行，唔用結婚情緒勒索下都好難成事，加上唔少人亦都已經生活喺唔同既城市，人大左就好難再得閒飲茶。
一個婚禮既「成功」真係要好多「愛」，如果無來賓真誠既祝福，幾華麗既裝潢同豪宴都毫無意義。
一場婚禮，令我重新審視左人生中既好多關係，所謂既值得，絕對唔係金錢同時間可以衡量。
(想同男仔講）99%女仔都話唔介意唔搞婚禮慳錢去honeymoon，但我估計當中有98%都係想細有細搞，開心就好🙂
