巴黎酒店的求婚驚喜

其中一套我覺得最浪漫既愛情電影就係《日落巴黎》，所以第一次踏足巴黎，心中已經大叫左一萬次「OMG!! It's Paris!!」

隨手影的日落巴黎凱旋門（Arc de triomphe de l'Étoile），帶點濛瀧的浪漫

兩個P人計劃行程時花最多既心機就係揀間近第8區既酒店（有關酒店亦有另一單趣事），等我可以方便獨自購物，總共book 左五晚。

點知我去到Check in 嗰陣，個Staff 話淨係book左四晚。我即刻望向隊友：「？？？」，因為隊友冷靜地話啱，我即刻飛快腦補左十萬個Scenarios，例如佢book 嗰陣已經有一晚無房/ 中間想同佢 d 朋友去Belgium 住一晚等等，但見隊友神態自若，完全無打算向我解釋，我開始大笑，向更美好方面假設。

因為去巴黎之前，已經一路嘈佢話想要book 個陽台睇巴黎鐵塔，但深知 Paris 房價超貴，所以都無諗過性價比隊友會理我。為左保留住5星級套房既美好幻想，我無追問（其實已追問左一萬次無果之後）。

第二朝食完早餐就check out，隨住我地愈嚟愈近第15區既巴黎鐵塔，我就更加印證我既美好幻想！最後喺Gustave Hotel門口停低，外觀係普通古董酒店，我內心一沉，原來真係無房先轉另一間酒店…

然後戲子行緊個陣已經話肚唔舒服，一入去酒店大堂就人影都無。等左大概十分鐘先一齊搭lift上房，期間佢滿頭大汗，爆左一句：「你準備好未？」我即刻五雷轟頂，事情好像沒有這麼簡單！

一入房，間房已經 set 好機，求婚三寶齊哂（汽球、大玫瑰同戒指），男友轉頭已經跪低左，而我基本上喺佢喉嚨發出第一粒音開始已經哭左！

（ 雖然已經事隔兩年先用文字紀錄，但當刻既感動係會一世都記得。）

港女感動完就收拾好心情行去巴黎鐵塔打卡！ 因為行程緊密，我地無研究邊個位打卡靚，由酒店行10分鐘就有一個鐵塔打卡位，然後跟人排隊就無錯。

最後都望到少量鐵塔既Gustave Hotel，隊友都幾推介哩間酒店for 求婚，因為佢只用電郵同員工溝通，由佈置到買花，酒店都安排得好好，最後我地都有買咗盒macaron 請左員工食：）