海外婚禮好處/ 壞處 （持續更新

尋日聽朋友講都想去bali結婚，仲有心到求婚前已同另一半實地考察多間婚宴場地（Gen Y男謎之操作）

峇里四季酒店包埋住宿餐飲package講緊8萬港紙，同場喺香港擺酒min charge都40萬既友人大嘆：「香港擺酒真係好貴！」

海外婚禮好處：

1）唔洗煩請咩人 

腦海入面最快浮現嗰堆一定會請/一定會嚟既鐵腳，其餘有心人都係錦上添花，想請但嚟唔到都係人之常情，因為「人」引起既婚禮問題已經減左9成

2） 這趟旅行若算開心

去旅行大家心情都輕鬆d，借「婚禮」之名同一班朋友喺異地風花雪月，又有特別文化體驗。作為主人家都借機識左d新朋友，有重拾大學玩ocamp日對夜對既樂趣

3） 無想像中咁貴

其實海外好多場都平過香港搞，除非去到富人歐洲區🤣 自己都睇過本地5星酒店最平都30萬。我用哩個數可能已經喺海外包埋vendors，同埋唔洗為圍數而尷尬（收過陌生炸彈就懂的）

4）It’s MY Big Day

嚟得都係熟人唔會judge 你有無傳統「行頭」、個場夠唔夠「grand」、chur幾時食乳豬等，唔走流程同以用開party既思維去plan，係最開心的。

朋友：個婚禮真係好你

 

但如果唔想搞海外婚禮，都有理據支持

以（唔）去峇里為例：

1）用生命值硬接

揚名海外bali belly，就算幾小心同只飲樽裝水，腸胃差既人都係中伏。朋友(1 /50人）食一樣嘅食物，連漱口都用樽裝水，第二日又痾又嘔，最後都係要搵醫生上門食特效藥

2）將成本轉嫁

五星級海島婚禮純計酒席都平香港一半，但要賓客又蝕AL又要捱貴機票，有心人都係為愛發電🥹 主辦方都有一大堆未知數同變數（自己無睇場又無試妝），加上無得回本，簡稱攬炒

3） 時間 》 金錢

峇里本質就係塞車，又有一大堆天若有情穿插，極度不建議自駕！🚴🏿 如果南邊富人島好d，Ubud中部真係包定架靚d既車訓覺算。

4) 最熟嗰堆點睇

第一樣睇四大長老Big Day去唔去到，然後衡量下朋友抽身出國幾日會唔會好強人所難，如果無錢都可以籌旗，但有仔女同寵物就真係要逼人取捨。不過強烈建議如果唔想去就唔好勉強，主人家絕對理解🙌🏻