淡路島櫻花prewedding婚前攝

本身都有計劃去關西family trip 順便影pre wedding，但一直都搵緊比較少人既景點留影。 朋友有推介klook／ kkday 上既情侶拍攝方案，因為包哂妝髮＋服飾＋攝影，不過我地唔想著和服同埋影大路遊客景點，所以作罷。

由於第一次影prewedding，當時未有實質想影既晝面，所以都係靠排除法去搵攝影師之後再計劃行程。陸續都搵左幾個當地攝影師，但糾結緊既時候，竟然夾到我喺香港學過日系攝影既老師－千紅去大阪影pre wedding！ 所以二話不就約好大阪見！

最後同千紅夾好，想影有海有草，所以我地最後決定由大阪自駕去淡路島，雖然佢有提醒我地路程遙遠，回程要趕喺6 點前既塞車 peak hour ，但係我地對「近郊小出走」都充滿期待！

原本想喺當地搵化妝師，但最後都係靠自己，雖然現實要遮瑕厚粉到到阿梅咁，但過鏡後妝容都算自然。不過因為太大風，影到一半，就決定喺車上扎髻，雖然妝髮唔完美，但過程好難忘，亦感謝攝影師執相。

（上身買細左個size 0v0）

記得路途中我地買左好多lawson 炸雞同飯團喺野餐，然後途經有咩景點靚就泊低架車喺路邊。而最令我地驚喜同感動，就係 櫻 花 盛 開 ！四月頭唔係傳統花期，但我地今年好幸運咁撞正遲來的花期。

日本一直係我地其中一個好鍾意既國家。諗返起我地一齊喺大學讀日文1想儲錢遊日，已經係十三年前，但而家都仲未識講一句日文…