Hong Kong Wedding Content Creator 的興起

外國好流行喺婚禮聘請Wedding Content Creator（WCC)，主要係用 iPhone 影相同拍片，因為側拍內容通常比傳統攝影師拍攝既照片更生動、自然同有更多behind the scenes 既彩蛋，即時比觀眾感受到婚禮的真實情感同vibe，一對新人大婚後亦可重溫唔少錯過左既窩心細節。

分享下自己bali big day既經驗，儀式感既我請咗共6位攝影師+錄製師（兩間唔同vendors)，賓客係少於50人😃 計返比例好誇張 ～ 9人 :1 攝 

有一個Bali WCC 24小時內已經執左幾張相砌埋layout，不過就無拍片同唔肯用菲林影，原因下篇娼攝菲林時分享🥲

主要想wcc做咩最好提前傾好，自己做wcc時唔介意幫新人用菲林影或者其他ad hoc 事務，因為令新人紀錄同享受婚禮都係自己做vendor 既初心。

主要請Wcc原因有幾個：

1） Vibe✨

一嚟構圖冇咁正式唔似擺拍，主要想比觀眾感受到屬於你地婚禮既感覺同氣氛，特別啱鍾意分享喜悅比嚟唔到既朋友，一瞬即逝既小細節令人feel到你對婚禮用心同對賓客既誠意，特別係側拍wcc會拎你最自然既角度，適合唔習慣對鏡頭笑既新人。

主攝主力拎c 位影正面，wcc 同 snap 就會拎特別少少既角度，如果自覺左／右面較上鏡都可以做事前溝通。

2） 想賓客放低手機enjoy

好多人會話用iphone影相好容易，的確如果身邊有kol／ foodie 用iphone 影開靚相係有sense 既，可以叫對方幫手。但好少會由朝到晚影足全日既小細節，特別係中式出門其實係最多人忽略既感動位，同埋大部分新人都想賓客享受當下眼前既婚禮，而唔係有壓力咁幫佢地影素材。

3）寫實紀錄每一刻

自己睇返錄既短片先發現錯過左好多搞笑位！新人睇返都會好開心，因為咁寫實既碎片片段，大概只有wcc會全原檔比你，有時你唔會重溫一條剪接好華麗既幾分鐘短片，只要有一段婚禮既蝦碌片可能會記得一世。

4）個人喜好

搵Wedding Content Creator可以揀d 鍾意佢嘅美感同風格，可以睇佢地profile 會唔會感受他人婚禮既喜悅同溫度

 

老實講，婚禮內容創作者都係錦上添花，無3師（化妝師、攝影師同律師）咁重要，主要係多有儀式感同budget 既新人，所以唔洗早太多book，可以follow 定心水WCC，前兩個月confirm 就可以，畢竟WCC都係新興起，甚至好多都打著「免費旗號」儲profile 賣廣告。

多謝美美新娘阿程大婚日就喺新娘group 度幫我大力宣傳，我即日就收到數十單dm查詢，當中因為好多好日子都撞期，不得已取捨了。所以頓時有感Wedding Content Creator應該好快會喺香港好流行。

除左阿程既賞識，大概因為我自己做過新人，對於備婚哩個project特別多感受，到大日子當日所有新人準備既小細節都值得appreciate。我可以肯定咁講我做WCC係從一個特別嘉賓既角度去欣賞同紀錄哩個盛宴，唯一缺點係預約困難，只開放60日前既預約。

不過都破例幫有心既threads 讀者預留左3月既檔期，謝謝你支持！

另外2026年3月尾仲有幸出席輕井澤做WCC，veli 期待！

歡迎follow threads 拎更多婚禮靈感！ ＠sl.mmst