Hong Kong Wedding Content Creator 的興起

November 25, 2025

Wedding Content Creator （後稱WCC) 本身喺外國比較流行，主要係用 iPhone 影相同拍片，因為側拍內容通常比傳統攝影師拍攝既照片更生動、自然同有更多behind the scenes 既彩蛋，即時比觀眾感受到婚禮的真實情感同vibe，一對新人大婚後亦可於24小時內重溫唔少錯過左既窩心細節。

WCC 簡單理解為 Big Day 全能美感小助手＝ Candid Photographer ＋ IG storyteller ＋ Reels Creator

分享下自己Bali Big Day既經驗，儀式感既我請咗共6位攝影師+錄製師（兩間唔同vendors)，海外婚禮既賓客係少於50人😃 計返比例好誇張～ 9人 :1 攝

有一個Bali WCC 24小時內已經執左幾張相砌埋layout

主要想wcc做咩最好提前傾好，自己做wcc時唔介意幫新人用菲林影或者其他ad hoc 事務，因為令新人紀錄同享受婚禮都係自己做vendor 既初心。

主要請Wcc原因有幾個：

1） Vibe✨

一嚟構圖冇咁正式唔似擺拍，主要想比觀眾感受到屬於你地婚禮既感覺同氣氛，特別啱鍾意分享喜悅比嚟唔到既朋友，一瞬即逝既小細節令人feel到你對婚禮用心同對賓客既誠意，特別係側拍wcc會拎你最自然既角度，適合唔習慣對鏡頭笑既新人。

主攝主力拎c 位影正面，wcc 同 snap 就會拎特別少少既角度，如果自覺左／右面較上鏡都可以做事前溝通。

2）想賓客放低手機enjoy

好多人會話用iphone影相好容易，的確如果身邊有kol／ foodie 用iphone 影開靚相係有sense 既，可以叫對方幫手。但好少會由朝到晚影足全日既小細節，特別係中式出門其實係最多人忽略既感動位，同埋大部分新人都想賓客享受當下眼前既婚禮，而唔係有壓力咁幫佢地影素材。

3）寫實紀錄每一刻

自己睇返錄既短片先發現錯過左好多搞笑位！新人睇返都會好開心，因為咁寫實既碎片片段，大概只有wcc會全原檔比你，有時你唔會重溫一條剪接好華麗既幾分鐘短片，只要有一段婚禮既蝦碌片可能會記得一世。

4）個人喜好

搵Wedding Content Creator可以揀d 鍾意佢嘅美感同風格，取材既角度同講故事既溫度。WCC 最值錢既位就係係最短時間比大量raw 檔你回味當日既細節，我會欣賞WCC執埋story 比新人即日 repost ，畢竟自己會想有個有美感既人幫手管理最重要一日既IG。

婚禮內容創作者（WCC) 係錦上添花，無3師（化妝師、攝影師同律師）咁重要，不過如果欣賞某個WCC風格可以提早 lock the date，因為如果係獨立WCC最多一日只走兩場，特別10月至1月都係婚宴大旺季。而香港WCC價都只係4位數，唔算離地，有d亦可安排特別服務，自己有收過做埋新人姊妹團／扮朋友既邀請（遲啲轉型做姐妹租借服務笑）。

多謝美美新娘阿程大婚日都不忘喺新娘group 度幫我大力宣傳，我即日就收到數十單dm查詢，當中因為好多好日子都撞期，不得已取捨了。所以頓時有感Wedding Content Creator應該好快會喺香港好流行。