狗狗又聾又盲，點部署？
Lucky 由細到大都算幾健康（養唐狗的好處？），但歲月無情，身體機能既退化比想像中快。
因為身邊有朋友養老狗，同我分享過老年既狗狗身體狀況可以喺短時間變差，我一直都有心理準備，所以喺佢健康既時候同佢出多d街玩。
（長老B 是少有Lucky 尊重又唔抗拒咁近距離既狗狗，上年已經畢業了）
首先係醫生發現Lucky有白內障，主要係水晶體變得混濁，令視力下降。同人一樣，如果唔做手術，基本上都唔會好返。今年14歲已經容易失去方向感，好容易撞到障礙物，基本上出街都要短繩拖行。
（招牌無辜的水汪汪大＋白化瞳孔）
大約13歲先開始發現佢撞聾，因為以前有快遞都未行到門口佢就吠定先，而家就算係最驚既行雷，佢都可以若無其事大覺訓。但總括而言，聽覺既衰退無視覺影響咁嚴重，反而有時見佢多左深層睡眠，經常打呼：）
意外既係，Lucky 既嗅覺好似仲靈敏！特別係老遠就聞到食物既味道！狗係依賴嗅覺既動物，包括但不限於：
- 獵食：狗依靠嗅覺找到食物，識別獵物的氣味，這對於捕獵和生存至關重要。
- 社交互動：狗通過嗅覺了解其他狗的情緒、性別和健康狀況。氣味在狗的社交中扮演重要角色。
- 尋找路徑：狗能夠通過嗅覺跟踪路徑，記憶特定區域的氣味，這有助於它們在環境中導航。
- 警覺性：狗的嗅覺能夠探測危險，如煙霧、毒氣或其他潛在威脅，這對於保護自己和主人非常重要。
- 情緒識別：狗能夠通過嗅覺識別人的情緒，這使得它們能夠對主人的心情作出反應
有一日，我喺清潔佢既黃河缺堤（一條由房去到廳既尿路時）同可憐佢既老態，情緒都一度失控，雖然佢已經聽唔到同睇唔到我嚎哭同慘樣，但佢竟然低頭舐我隻手安慰我，有機會係佢聞到眼淚既味道，就係所謂能夠通過嗅覺識別人的情緒，我永遠都會記得哩一刻既感動，係我同老年Lucky少有的親密互動。
狗狗還是會溫柔擁抱你的喜怒哀樂。
更多Lucky 和 7 筒的美照： ＠lucky7_partyroom